fill_pau
Algemene voorwaarden

Ounke ku Onderlingehulp a dediká mayor atenshon na e website aki, e no ta asumí responsabilidat pa informashon inkompleto òf inkorekto, òf pa e konsekuenshanan di esakinan. Onderlingehulp ta un nòmber empresarial di Onderlingehulp Antillen Verzekeringen II N.V.

Informashon riba e site

Onderlingehulp ta trata di duna mas tantu informashon posibel ku e website aki, pero e website aki no tin komo meta pa duna informashon kompletu di produkto ni tampoko di pólisa. Pa esaki nos ta referí bo na un di nos empleadonan òf na bo agente di seguro. Tur derecho riba e site aki ta di i ta keda reservá pa Onderlingehulp. No ta permití pa kopia nada di e site aki, den kua forma ku ta (digital of analogo), sin aprobashon di Onderlingehulp.

Puntra konseho personal

No por konsiderá e informashon riba e website aki komo konseho personal. Pa loke ta trata e informashon riba e site aki, nos a sali for di puntonan di bista general; pa ku esei no ta sigur si esakinan ta aplikabel riba bo situashon personal. Bo mes ta responsabel pa e eskoho i uso di e informashon. Bo ke pa konsiderá tur bo sirkumstanshanan ku ta relevante den un kalkulashon? E ora ei Onderlingehulp ta konsehá pa tuma kontakto ku un di nos empleadonan òf ku bo agente di seguro. E ora ei bo por verifiká di biah’ si e informashon di e produkto ku bo ke sa mas di dje, ta korekto i kompletu.

Funshonamento di e site aki

Onderlingehulp ta hasi tur loke ta na su alkanse pa laga e website aki funshoná bon. Por sosodé ku pa un motibu òf otro (por ehèmpel malfunshonamento tékniko òf eror humano) ku e site aki no ta funshoná (bon) temporalmente. Onderlingehulp ta pidi komprenshon pa esaki i na mes momentu no ta asumí ningun responsabilidat pa kualke daño ku por surgi a konsekuensha di esei.

Referensha i hyperlinks

Referensha pa òf hyperlinks na otro websitenan ta sirbi solamente pa informashon di e usuario. Konsekuentemente Onderlingehulp no ta duna garantia pa asesibilidat i kontenido di e websitenan konserní i no ta asumí ningun responsabilidat pa funshonamentu di òf pa informashon riba e websitenan ei.