Pasobra bo ke biba liber di prekupashon i bon prepará pa loke futuro trese.
Kiko ta un seguro di entiero

E úniko kos den bida ku nos por ta sigur di dje, ta ku un dia nos tur ta fayesé. Ku nos seguro di entiero bo ta sigurá bo mes pa gastunan di entiero. Esei ta hasi e seguro di entiero un seguro masha speshal mes. T’asina ku un elementu importante di seguro ta ku loke bo ta sigurá bo mes p’e ta algu ku no ta sigur ku lo sosodé. Bo por komparé ku un seguro di kandela pa bo kas: no ta sigur ku bo kas berdaderamente lo kima. Den kaso di nos seguro di entiero sinembargo, solamente e momento di fayesimentu ta insigur. De fakto, un seguro di entiero ta e úniko seguro ku semper ta paga.

Tur kos riba un liña p’abo

No ta indeksá, ni tampoko oumentá prima. E prima ta keda meskos durante henter e periodo di pago.

Yunan ta sigurá grátis huntu ku nan mayornan te ora nan kumpli 18 aña. Na momentu di fayesimentu Onderlingehulp ta kubri e gastunan di entiero te na un suma di Nafl./Afl. 4.000 na Aruba i Korsou i Usd. 2.000 na Boneiru, sin ku mester a paga prima pa esaki. Kondishon ta si ku mester a registrá e yunan serka nos.

Den kaso di fayesimentu den ekstranheria, lo kubri gastu di transporte di e defunto te na su residensia te un máksimo di NAfl./NAfl. 2.000 na Aruba i Korsou i Usd. 1.000 na Boneiru. Pa e kobertura èkstra aki tampoko tin di paga prima adishonal.

Nos pólisanan ta duna bo e libertat di skohe entre entiero òf kremashon, ademas bo tin e libertat di skohe e agensia funerario di bo prefensha.

No tin ‘lèternan chikí’ ku por kousa sorpresa desagradabel. Den e promé aña e kobertura ta limitá, despues Onderlingehulp semper ta paga tur kos kompletu, no obstante kousa di morto. Kondishon naturalmente ta ku e formulario di petishon mester ta yená kompletu i honesto. Ora di morto a konsekuensia di aksidente, nos ta paga pa tur kos den e promé aña tambe.

Si pa kualke motibu òf otro, ainda bo no ta satisfecho ku e pólisa ku a traha p’abo, bo por manda esaki bèk dentro di 30 dia despues di a risibi’é. Sin gastu èkstra i sin obligashon di duna splikashon.