Respèt pa famia ku ta na bida i deseonan di e defuntu, esei ta nos puntonan di salida.
É speshalista riba tereno di seguro di entiero

Onderlingehulp ta é speshalista riba tereno di seguro di entiero riba nos islanan. Mas ku 30.000 hende ya kaba a skohe pa un seguro di entiero serka Onderlingehulp. Pasobra nan sa ku nos ta traha segun e lema: bo último deseo ta nos promé prekupashon. Onderlingehulp ta aktivo for di 1986 i tin ofisinanan na Kòrsou, Aruba i Boneiru.

Ora bo ke sera un seguro di entiero, nos ta hasi un análisis di bo situashon personal. Tin bes djis algun pregunta ta sufisiente. Den otro kaso e análisis ta bai mas leu. Despues bo ta disidi kua di nos seguronan di entiero ta mihó p’abo, teniendo kuenta ku bo deseonan i sirkunstanshanan personal.

Rèspèt pa sentimentunan di bo sernan kerí i e deseonan di e difuntu ta konseptonan ku nos tin eksperensia ku nan. Den kaso di fayesimentu, un yamada pa Onderlingehulp ta sufisiente pa aliviá bo sernan kerí di tur trabou organisatorio ku esaki ta trese kuné. Onderlingehulp ta traha ku tur Agensia Funerario.

Dikon Onderlingehulp ta e mihó eskoho?

Nos ta e kompania pa seguro di entiero di mas grandi na Aruba, Boneiru i Kòrsou. Ya mas ku 30.000 hende a bira miembro di e famia grandi di Onderlinge Hulp. No ta tempu pa abo tambe bira miembro i spar pa bo famia ku bo ta laga tras ku e responsabilidat finansiero di bo entiero?

Abo ta sentral pa nos. Trata e relashon ku nos tin ku bo ku e atenshon rekerí; esei ta un eksigensia pa nos empleadonan i ta salbaguardiá den nos trabou.

Nos ta progresivo den uso di desaroyo di teknologia nobo ku nos ta apliká pa ofresé nos produktonan i servisio di un forma transparente. Nos ta e úniko seguro di entiero serka kua bo por wak bo datonan ‘online’ via di ‘Mi Onderlingehulp i/òf por sera un pólisa nobo. 

Nos ta finansieramente hopi sólido. Esaki ta nifiká ku nos ta kumpli ku tur regulashon i hasta ta mantené riba esei margennan èkstra. Esaki ta nos honor i nos orguyo. Komo un instansia finansiero nos ta kai bou di supervishon di Banko Sentral di Kòrsou i St. Maarten (CBCS), Nederlandse Bank (DNB) i di Autoriteit Financiele Markten (AFM). Bo tabata sa ku nos ta e úniko seguro di entiero ku ta disponé di e pèrmitnan di DNB pa por ta aktivo den Caribisch Nederland?

Ta stipulá e prima ora di sera e seguro. Haltura di e prima ta relatá na bo edat, e montante di e kapital di bo eskoho i e durashon ku bo a skohe pa pago di bo prima. Despues di esaki no ta adaptá e prima mas. Pues adelantá bo ta haña sa kiko e prima lo ta pa hinter e periodo akordá. Un sentimentu dushi i sigur. Sin ni un sorto di sorpresa desagradabel.

Yunan di mayornan ku ta sigurá na Onderlingehulp ta sigurá grátis. Solamente mester duna Onderlingehulp e informashon i despues ku akordá e petishon nan ta sigurá. Abo no ta paga nada èkstra.

Bo no sa nunka..... Por sosodé ku durante di bo vakashon den eksterior bo por fayesé. Na e momentu ei  Onderlinge Hulp ta pèrkura pa famia risibí un kobertura èkstra riba e montante pa kua ta sigurá pa por trese e kurpa bèk pa e isla kaminda e defuntu tabata biba. 

Bo seguro di entiero na Onderlingehulp ta ofresé bo mas ku tur otro libertat di eskoho. Abo òf bo famia ku keda atras no ta mará na un kas mortuario. Bo por skohe pa e kas mortuario di bo deseo. Tambe si despues bo ta biba riba un otro isla i ta deseá pa derá bo einan. Nos ta bai di akuerdo ku esei!

Bo a sera un seguro na Onderlingehulp i pa un òf otro motibu no ke kontinuá ku e seguro? Dentro di 30 dia, sin mester duna motibu, bo por terminá bo seguro sin gastu adishonal. Esei ta un lástima pa nos pero nos ta respetá bo desishon/deseonan i ta haña ku bo mester porkambia un desishon ku bo ta pensa no tabata esun mihó.

Bo ta sigurá kaba na Onderlingehulp òf  bo no mester paga prima mas riba bo seguro. Bo ke subi e montante pa kua bo ta sigurá òf bo tin mas espasio finansiero òf bo a realisá ku bo mester di mas tantu sèn pa un entiero segun bo deseo. Esei ta posibel. Bo ta sera un aktualisashon ku ta subi e montante pa kua bo ta sigurá na e nivel ku bo ta deseá.

Testimonio